Dr. Valbon Krasniqi, drejtor i përgjithshëm i Shërbimit Spitalor dhe Klinik Universitar të Kosovës, ka pritur në takim Samedin Mehmeti, drejtor i përgjithshëm i Policisë së Kosovës.
Në takim u disktua për thellimin e bashkëpunimit ndërmjet dy institucioneve dhe mundësia që ShSKUK në të ardhmen të kryej vizitat shëndetësore sistematike për policët e Kosovës.
“Drejtori Krasniqi, theksoi se përkundër kohës së Pandemisë, me sukses janë kryer vizitat e rregullta kontrolluese për kadetët e rinj të policisë, bazuar në Memorandumin e Bashkëpunimit që është nënshkruar në muajin shtator të vitit 2020, me Policinë e Kosovës”, thuhet në njoftimin e bërë nga QKUK.
Tutje, në njoftim thuhet se drejtori i Policisë së Kosovë, =Mehmeti ka falënderuar drejtorin e ShSKUK-së që edhe në kohë të Pandemisë, ka ofruar bashkëpunim dhe përkrahje të vazhdueshme për Policinë e Kosovës.
“Dy palët u pajtuan që bashkëpunimi i nisur në vitin 2020, të vazhdojë edhe këtë vit”. /Telegrafi/
