Ish-pjesëtarit të forcave speciale të ushtrisë amerikane ndryshe të njohura si “Navy SEAL”, i kishin thënë se është “shumë i vjetër” që t’i bashkohet pjesëtarëve të departamentit të zjarrfikësve të New Yorkut, por që nga ai moment ai është vërshuar nga ofertat e shumta për punë në mbarë Amerikën.
Shaun Donovan, 35-vjeç, i cili u largua nga ushtria në vitin 2005, i kanë thënë se ka kaluar limitin e lejuar të moshës, që t’i bashkohet departamentit të zjarrfikësve të qytetit dhe atë për gjashtë muaj e 25 ditë, transmeton Telegrafi.
Sidoqoftë pasi që aplikacioni i tij u refuzua, Donowan tani 37-vjeç, që kishte arritur më së shumti pikë në testet e departamentit të zjarrfikësve të New Yorkut, ka pranuar një “mal” me ftesa nga zjarrfikësit në mbarë Shtetet e Bashkuara.
Siç raporton New York Post, më shumë se 12 departamente të zjarrfikësve janë munduar të vënë kontakt me Donovanin, i cili ka shërbyer në misione të ndryshme për katër vite në Irak dhe Afganistan, me të vetmin qëllim që t’ia bëjnë që me dije se është më së i mirëseardhur në departamentet e tyre.
Megjithatë, ish-pjesëtari i Navy SEAL është duke vazhduar luftën që t’i bashkohet departamentit të zjarrfikësve të New Yorkut, pasi një gjë të tillë e kishte bërë sapo kishte mbushur 35-vjet, maksimumi i limit të lejuar të moshës që t’i bashkohet zjarrfikësve tjerë.
Greg Pixley, shef i departamentit të zjarrfikësve në Denver, thotë se nuk ka ndonjë kufizim sa i përket moshës, madje preferon të rekrutoj personat rreth të 40-ve. Ai shtoi se zjarrfikësi duhet të gjykohet në bazë të aftësive në terren e jo duke gjykuar në bazë të moshës. /Telegrafi/