Përmes një postimi në Facebook, Presidenti i Kosovës, Hashim Thaqi, ka paralajmëruar takimin me këngëtaren me famë botërore Dua Lipa.
Përmes këtij postimi ai ka thënë se Duan do ta nderojë me Medaljen Presidenciale të Meritave për kontribut në kulturë.
“Kontributi i Duas për muzikë dhe kulturë është i çmueshëm, ndërsa përpjekjet e saja humanitare për rininë e Prishtinës veç sa e thellojnë lidhjen e saj me Kosovën. Dua Lipa sivjet është dëgjuar nga miliona tifozë të muzikës së saj në botë, por ajo është pasqyrë e rinisë kosovare të lindur dhe kalitur në kushte të rënda por që sot shkëlqejnë botërisht me kreativitet, dashuri dhe humanizëm”, shkruan Thaqi.
Dua Lipa sonte (e martë) do të përformoj për fansat e saj ndërsa, gjatë javës pritet të takohet me presidentin Hashim Thaqi. /Telegrafi/