Barcelona ka pasur një fillim të mrekullueshëm të epokës së Hansi Flick, pasi ata qëndrojnë të qetë në krye të tabelës në La Liga pas nëntë ndeshjesh.
Kjo është edhe më mbresëlënëse kur merret parasysh fakti që trajneri gjerman nuk e ka pasur në dispozicion të gjithë skuadrën e tij as edhe një herë që kur ka marrë drejtimin.
Barça ka qenë duke luftuar me disa lëndime gjatë gjithë epokës së Flick. Disa lëndime ndodhën para se të mbërrinte dhe të tjerë në ndeshjet e para të Barçës këtë sezon.
Këtu keni listën me lojtarët aktualë të lënduar të Barcelonës dhe kur ata mund të kthehen në aksion.
Fermin Lopez
Fermin po punon shumë për rikuperimin nga lëndimi i muskujve të pësuar në detyrën ndërkombëtare. Ai do të ketë pak kohë për të punuar për rikuperimin e tij gjatë pauzës ndërkombëtare dhe për të bërë rikthimin e tij pas pushimit.
Data e mundshme e kthimit: kundër Sevilla (20 tetor)
Dani Olmo
Olmo pësoi një lëndim në fitoren e madhe të Barçës ndaj Girona muajin e kaluar. Por, ai është i vendosur të bëjë kthimin e tij përpara El Clasicos së ardhshme kundër Real Madridit dhe duhet të kthehet shpejt pas pauzës ndërkombëtare të tetorit.
Data e mundshme e kthimit: kundër Real Madrid (27 tetor)
Gavi
Spanjolli mund të bëjë rikthimin e tij të shumëpritur kundër Sevillas, pasi u shfaq shumë i mprehtë në seancat stërvitore të Barçës së fundmi. Ai nuk duket të ketë më dhimbje në gju dhe mund të luajë një rol kyç edhe në El Clasico.
Data e mundshme e kthimit: kundër Sevilla (20 tetor)
Ronald Araujo
Araujo nuk ka qenë në gjendje të luajë për Barçën që kur pësoi një dëmtim në kofshën e pasme të këmbës gjatë Copa America 2024. Por, ai kohët e fundit është parë në stërvitjen e Barçës duke punuar vetë teksa po përgatitet për rikthimin e tij. Edhe pse Araujo mund të jetë i përshtatshëm për ndeshje në nëntor, Barça do të duhet ta regjistrojë atë në skuadrën e La Ligës që ai të luajë.
Data e mundshme e kthimit: e panjohur
Ferran Torres
Ferran mori një lëndim në fitoren e fundit të Barçës ndaj Alaves dhe çështja e kofshës do ta detyrojë atë të humbasë shumë ndeshje. Ai mund të bëjë kthimin e tij pas pushimit ndërkombëtar të nëntorit.
Data e mundshme e kthimit: dhjetor
Andreas Christensen
Qendërmbrojtësi danez nuk ka luajtur asnjë rol nën drejtimin e Flick, pasi pësoi një dëmtim të keq në kyçin e këmbës në para-sezon. Ai nuk ka gjasa të jetë në gjendje të luajë më në vitin 2024 dhe mund të luajë një pjesën e dytë të sezonit 2024/25.
Data e mundshme e kthimit: janar 2025
Marc Bernal
Pasi pati një përparim mbresëlënës nën urdhrat e trajnerit gjerman, Bernal ishte jashtëzakonisht i pafat që u lëndua në fillim të edicionit. Lëndimi i tij në gju nuk do ta lejojë atë të luajë ndonjë rol këtë sezon.
Data e mundshme e kthimit: korrik 2025
Marc-Andre ter Stegen
Sezoni i kapitenit të Barçës u mbyll gjithashtu nga lëndimi i tmerrshëm i gjurit që pësoi në fitoren ndaj Villarrealit muajin e kaluar. Blaugranët kanë regjistruar tashmë Ëojciech Szczesny në vend të tij në skuadrën e tyre pasi Ter Stegen nuk do të luajë asnjë rol këtë sezon.
Data e mundshme e kthimit: korrik 2025
/Telegrafi/
