Portieri i Barcelonës, Marc-Andre ter Stegen, ka thënë se Real Madridi është po aq i fortë edhe pa Cristiano Ronaldon, ndërsa shton se ndjehet krenar që emri i tij shihet si njëri nga kapitenët e klubit.
Ronaldo ka kaluar te Juventusi për 112 milionë euro, duke e lënë Santiago Bernabeun pas nëntë vitesh dhe shumë trofeve të fituar.
Ronaldo ka shënuar hiq më pak se 18 gola në ndeshjet El Clasico aq sa Alfredo Di Stefano.
“Mendoj që janë një ekip e jashtëzakonshme, sikurse çdo vit, sikurse ne. Do të jetë njëjtë edhe pa Ronaldon”.
Emri i Ter Stegen shihet si një nga zëvendëskapitenët, pasi tani shiriti i kapitenit do të mbahet nga Andres Iniesta.
“Është diçka që skuadra do të vendosë, por është një nder që emri im lidhet me pozicionin e kapitenit”.
“Do të ishte një nder të jem një nga kapitenët, natyrisht, por për mua kjo nuk është gjëja më e rëndësishme, kemi nevojë për më shumë se katër kapiten”, ka thënë portieri gjerman. /Telegrafi/