Një ngjarje e pazakontë është filmuar me kamerë amatore, ku shihet se si një person futet brenda një veture duke menduar se do të largohet me të nga vendi i ngjarjes pa u vërejtur nga askush, por ishte pikërisht pronari i saj që ishte ulur në pjesën e pasme dhe menjëherë reagon ashpër duke e sharë.
Hajni që i afrohet BMW mendonte se ishte plotësisht vetëm, por u befasua për të keq kur para syve të tij u shfaq pronari i veturës që madje e filmonte për ta poshtëruar publikisht, transmeton Telegrafi.
Ngjarja ka ndodhur në Conventry të Anglisë, e videoja e filmuar është publikuar në Facebook, ku me shpejtësi të madhe u shpërnda në rrjetet sociale.
“Ky burrë jeton në Foleshill dhe është munduar të vjedh veturën në rrugën Foleshill”, thuhej përbri videos së publikuar. /Telegrafi/
