Policia e Shqipërisë ka arrestuar në flagrancë drejtuesin e mjetit me iniciale L. H., dhe shtetasin me iniciale D.D, të cilët kanë tentuar t’i korruptojnë punonjësit e Policisë Rrugore me qëllim që t’i shmangeshin masës administrative.
Rasti i parë ka ndodhur në Tiranë, ku një i dyshuar ka tentuar të korruptojë punonjësit e Patrullës së Përgjithshme për të shmangur kontrollin e dokumentacionit për lëndën drusore që transportonte, arrestohet në flagrancë drejtuesi i mjetit shtetasi L. H., 39 vjeç, banues Tiranë.
Në momentin që Patrulla e Përgjithshme i ka kërkuar dokumentacionin për lëndën drusore, drejtuesi i automjetit ka tentuar t’i japë 1000 lekë punonjësit të Policisë, për t’iu shmangur këtij kontrolli.
Kurse rasti tjetër ka ndodhur në Librazhd të Elbasanit, i cili i ka ofruar ryshfet punonjësit të Policisë Rrugore me qëllim që t’i shmangej masës administrative.
“Arrestohet në flagrancë drejtuesi i mjetit shtetasi D.D, 51 vjeç, banues në fshatin Katjel Librazhd. Arrestimi i tij u bë pasi në aksin rrugor Urakë – Qaf Thanë, është ndaluar nga Patrulla e Policisë Rrugore, për arsye se ka qenë duke drejtuar mjetin tip “Benz” në shkelje të Kodit Rrugor. Në momentin e ndalimit ky shtetas ka tentuar t’i jap 1000 lekë punonjësit të Policisë Rrugore me qëllim që t’i shmangej masës administrative për mosvendosje të rripit të sigurimit”, ka njoftuar Policia. /Telegrafi/