Tensioni midis Paulo Dybala dhe Juventusi po rritet, me sulmuesin argjentinas që konsideron largimin nga Torino si një lojtar i lirë në 2022.
Dybala do të shohë që kontrata e tij skadon në qershor të 2022 dhe të dy palët nuk kanë arritur ende një marrëveshje rinovimi të kontratës.
Sipas La Gazzetta dello Sport, Juventusi ofroi një marrëveshje të re prej 10 milionë eurosh në vit verën e kaluar, por propozimi u refuzua dhe nuk është më i vlefshëm.
Klubi ka tërhequr ofertën e tyre të zgjatjes së kontratës pasi argjentinasi mori pjesë në një festë të organizuar nga Weston McKennie javën e kaluar, duke thyer rregullat e COVID-it.
Dybala gjithashtu u gjobit dhe u pezullua nga klubi së bashku me McKennie dhe Arthur të cilët morën pjesë në mbrëmjen e organizuar nga amerikani.
Tani, agjenti i sulmuesit është në Argjentinë, duke pritur një ofertë të re nga Zonja e Vjetër, por tensioni midis klubit dhe lojtarit po rritet.
Dybala mund të largohet nga Juventusi si një lojtar i lirë kur kontrata e tij skadon në 2022 nëse Juventusi nuk arrin të vendosë në tavolinë një ofertë të re për zgjatjen e kontratës.
27-vjeçari shënoi golin e fitores për Bianconerët në një ndeshje vendimtare në Serie A kundër Napolit në fillim të kësaj jave, por disi nuk ishte e mjaftueshme për të rregulluar marrëdhëniet e tij me drejtuesit e klubit. /Telegrafi/