Një 54-vjeçar është gjobitur nga Policia e Kosovës për tejkalim në vijë të plotë.
Sipas Policisë, I.H. gjatë udhëtimit në rrugën Ferizaj-Kaçanik, përkatësisht në fshatin Rakaj, kishte tejkaluar një veturë zyrtare të Policisë në vijë të plotë.
Për këtë veprim, Policia Rajonale e Ferizajt njofton se ndaj tij është shqiptuar një gjobë prej 200 euro, 2 pikë negative dhe masa e pezullimit të patentë-shoferit për tre muaj.
Tutje, përmes komunikatës, Policia u ka bërë thirrje të gjithë pjesëmarrësve në trafik të respektojnë rregullat.