Persona të panjohur kanë shtënë me armë zjarri në shtëpinë e një pjesëtari të Policisë, por për fat të mirë nuk ka të lënduar në njerëz.
Burime të KosovaPressit bëjnë të ditur se ngjarja ka ndodhur sonte pas orës 21:00 në fshatin Zhabar të Mitrovicës.
Ngjarjen e ka konfirmuar edhe zëdhënësi i policisë për rajonin e Mitrovicës, Avni Zahiti.
Sipas tij, Policia ka dalë menjëherë në vendngjarje ku ka gjetur dy gëzhoja të armës dhe është duke punuar për zbardhjen e rrethanave të këtij rasti.
Ai nuk ka dhënë detaje shtesë. Deri tani nuk dihen motivi dhe autorët e këtij sulmi.