Policia në Ottawa po heton një situatë të të shtënave që thuhet se ka lënë disa të plagosur në një zonë në qendër të qytetit.
Sipas mediave të huaja, përcjell Telegrafi, Policia e Ottawas dhe ekipet e emergjencës u thirrën në bllokun 400 të Rrugës Gilmour pak para 7:30 të mëngjesit, në një raportim për të shtëna aktive me ‘persona të shumtë’ të plagosur.
Si pasojë, që nga ora 8 e mëngjesit, ekipet mjekësore kanë thënë që tre persona janë trajtuar dhe transportuar në spital me lëndime serioze.
Police are responding to a shooting in the 400 block of Gilmour Street. Many injuries reported. A coordinated response is underway. Please avoid the area. Updates to follow. #ottnews https://t.co/rC9O7qGLAB
— Ottawa Police (@OttawaPolice) January 8, 2020
Policia tha që një ‘përgjigje e koordinuar’ është duke u zhvilluar, ndonëse nuk kanë dhënë detaje nëse sulmuesi është arrestuar.
Së paku deri më tani nuk dihet motivi i të shtënave dhe policia ka bërë thirrje për shmangie të zonës, nga banorët. /Telegrafi/