Tre meshkuj janë qëlluar me armë zjarri sot, ku njëri ka humbur jetën kur një person hapi zjarr mbi ta me pushkë automatike, pas një mosmarrëveshje që patën para një lokali në Queens të New Yorkut.
Kamerat e sigurisë kanë kapur momentin, kur një burrë qëllon me armë zjarri në një parking të veturave në bulevardin Cross në Ozone Park, transmeton Telegrafi.
Një 38-vjeçar është dërguar në spitalin Jamaica në gjendje të rëndë shëndetësore.
Një 32-vjeçar u dërgua në po të njëjtin spital me plagë të marra në fytyrë nga arma e zjarrit – megjithatë ai i mbijetoi sulmit.
E 28-vjeçari identiteti i të cilit nuk është zbuluar kishte pësuar plagë në këmbë, dhe pas intervenimit të mjekëve gjendja e tij shëndetësore është stabilizuar.
Sipas policisë së New Yorkut, deri më tani nuk është arrestuar askush lidhur me këtë sulm të armatosur. /Telegrafi/
