Dy persona janë qëlluar dhe plagosur para një xhamie në Brest në pjesën perëndimore të Francës, ka njoftuar policia e këtij vendi.
Prokurori i Brestit, Jean-Philippe Recappe, ka deklaruar se një personi ka hapur zjarr mbi qytetarët jashtë xhamisë, e siç raportojnë mediat franceze njëri nga të plagosurit është imami kontrovers i quajtur Rachid El Ray, transmeton Telegrafi.
Viktimat janë ekzaminuar në vendin e ngjarjes dhe janë spërkatur me ujë, për shkak të temperaturave të larta që janë duke mbizotëruar këto ditë në Francë.
E televizioni francez “France 3” ka raportuar se personi i dyshuar është në arrati. Në anën tjetër nuk dihet nëse sulmi kishte motive religjioze, qërim hesapesh apo faktorë tjerë të panjohur. /Telegrafi/