Një konflikt i çastit mes një personi dhe dy vëllezërve, ka përfunduar në përdorimin e armëve në qytetin e Shkodrës.
Ngjarja ka ndodhur në lagjen “Skënderbeg” mbrëmjen e së martës, ku shtetasi K.F ka qëlluar me armë zjarri pistoletë dhe është larguar pasi konfliktit me vëllezërit David Kiri e A. K.
Fatmirësisht, nga të shtënat nuk ka të plagosur, teksa është dëmtuar një automjet tip “Wolkswagen”.
Shërbimet e Policisë dhe një grup i Forcave të Ndërhyrjes së Shpejtë në Shkodër po kontrollojnë zonën me qëllim lokalizimin dhe kapjen e autorit.
Grupi hetimor nën drejtimin e Prokurorisë po vijon veprimet për sqarimin e rrethanave dhe dokumentimin ligjor të ngjarjes. /Telegrafi/