Të paktën 28 persona janë vrarë në një sulm ajror izraelit në një shkollë që strehonte familjet e zhvendosura në Rripin qendror të Gazës.
Ndërkohë, më shumë se 50 të tjerë janë plagosur në sulmin në sulmin në shkollën Rufaida al-Aslamia.
Ushtria izraelite tha se sulmi “i saktë” kishte në shënjestër luftëtarët e Hamasit që vepronin brenda një “qendre komandimi dhe kontrolli” në shkollë.
Ajo tha gjithashtu se kishte ndërmarrë hapa për të zbutur dëmin ndaj civilëve dhe akuzoi Hamasin për abuzim sistematik të infrastrukturës civile, shkruan BBC, përcjell Telegrafi.
Ministria e Shëndetësisë e Gazës, e drejtuar nga Hamasi, e dënoi sulmin dhe e quajti atë “një masakër të re” nga ushtria izraelite.
Ndryshe, në shumë shkolla janë kthyer në strehimore për 1.9 milionë palestinezë që kanë ikur nga shtëpitë e tyre që nga fillimi i luftës në Gaza një vit më parë.
Ushtria izraelite nisi një fushatë për të shkatërruar Hamasin në përgjigje të sulmit të grupit në Izraelin jugor më 7 tetor të vitit 2023, në të cilin rreth 1,200 njerëz u vranë dhe 251 të tjerë u morën peng.
Më shumë se 42,060 njerëz janë vrarë në Gaza që atëherë, sipas Ministrisë së Shëndetësisë të territorit. /Telegrafi/