Tre persona të panjohur mbrëmjen e së shtunës kanë hyrë me forcë në një shtëpi në fshatin Gjurgjedell në Kaçanik.
Aty të tre personat e panjohur kanë lidhur me lidhëse plastike një grua të cilën e kanë sulmuar dhe kanë kërcënuar me armë për të treguar për vendin e kasafortës.
Policia ka njoftuar se brenda kasafortës kishte rreth 55 mijë euro.
“Një të moshuare rreth 60 vjet i janë grabitur para në vlerë rreth 55 mijë euro. Grabitësit e kanë kryer veprën nën kërcënimin e armës së ftohtë – thikës”, ka njoftuar policia.
Viktimës i kanë shkaktuar lëndime trupore.
Policia ka nisur hetimet, njofton Telegrafi.