Lionel Messi shënoi një goditje dënimi të shkëlqyer për t’i dhënë Argjentinës fitoren ndaj Ekuadorit në fillimin e kualifikimeve të Amerikës së Jugut për Kupën e Botës dhe muri i gjallë luajti një rol të madh në këtë gol.
Vetëm vitet e fundit, pasi u ndryshuan rregullat e futbollit, muri i gjallë shtesë filloi të luante një rol të rëndësishëm në goditjet e lira të skuadrave të tyre.
Përveç murit klasik të gjallë të formuar nga mbrojtësit kundërshtarë, skuadrat që marrin goditjet e lira tani vendosin në masë të madhe disa nga lojtarët e tyre për të bllokuar pamjen e portierit.
Gjithë gjenialitetin e këtij fenomeni e pamë në golin e Messit për fitoren e Argjentinës ndaj Ekuadorit në ndeshjen e luajtur mbrëmë.
Portieri nuk kishte asnjë shans pikërisht për shkak të atij muri të gjallë shtesë nga lojtarët argjentinas.
Rëndësia e tre lojtarëve të Argjentinës në mur u tregua e pabesueshme. Ata lëvizën para goditjes së Messit dhe bllokuan pamjen e portierit dhe kjo duket qartë në videon nga tribuna.
Kur portieri e pa topin, filloi të reagojë, por atëherë ishte tepër vonë. Topi përfundoi në rrjetë dhe Messi i solli fitoren skuadrës së tij. /Telegrafi/
🥶🥶🥶🥶🥶🥶🥶🥶 pic.twitter.com/SXcfLy04lK
— Messi World (@M10GOAT) September 8, 2023