Trajneri i Paris Saint-Germain, Mauricio Pochettino foli për incidentin e javës së kaluar ku tifozët sulmuan Lionel Messin dhe Neymarin.
Reagimi erdhi nga tifozët e klubit gjatë fitores së tyre 3-0 ndaj Bordeaux në “Parc des Princes” të dielën e kaluar.
Pochettino ishte i zhgënjyer nga incidenti që ndodhi javën e kaluar.
“Kishte trishtim për atë që përjetuam, ishte ndjenja që kanë lojtarët. Edhe ne. E jetojmë kolektivisht”.
“Të gjithë janë prekur, por në futboll nuk mund të ndalemi. Duhet të kërkojmë qëllimin e fundit, i cili është të fitojmë kampionatin, t’i japim klubit një titull të ri. Duhet të mobilizojmë energjitë për të ecur përpara”, ka thënë Pochettino.
🎬🎦 #ASMPSG
Mauricio Pochettino visited our #PSGTV studio before the trip to Monaco 🗣️
— Paris Saint-Germain (@PSG_English) March 19, 2022
PSG u eliminua nga Liga e Kampionëve nga Real Madrid në fillim të këtij muaji. Ata pësuan një humbje prej 3-1 në “Santiago Bernabeu”, e cila i bëri ata të dilnin nga turneu me rezultat të përgjithshëm prej 3-2. /Telegrafi/