Joao Felix ka bërë të ditur se në Angli gjatë gjithë kohës ia kanë thënë emrin gabim.
Portugezi u transferua në Stamford Bridge në afatin kalimtar të janarit në formë huazimi nga Atletico Madridi.
Ai ka lënë përshtypje te Blutë, edhe pse ka shënuar vetëm një gol në pesë ndeshje të Ligës Premier, ndërsa klubi është i interesuar që të nënshkruajë marrëveshje afatgjate me të.
Dhe nëse 23-vjeçari vendos të qëndrojë më gjatë në Angli, atëherë tifozët duhet të mësohen t’ia thonë emrin në mënyrë korrekte.
"I don't know why, it's not too hard to spell" 😂
Chelsea star Joao Felix reveals that we've all been pronouncing his name wrong 👀 pic.twitter.com/ORFurHYgpg
— The Sun Football ⚽ (@TheSunFootball) March 6, 2023
Në konferencën për shtyp para ndeshjes kthyese të 1/8 së finales në Ligën e Kampionëve ndaj Borussia Dortmundit (që zhvillohet të martën mbrëma), ai ka sqaruar si duhet t’ia thënë emrin.
Në pyetjen e gazetarit nëse ia kanë thënë emrin gabim, sulmuesi ka shpjeguar: “Është Joao Fell-ix (shqip: Zhoao Felliks)”.
“Të gjithë e thonë Fee-lix (shqip: Filiks), madje edhe në Spanjë, vetëm në Portugali ma thënë emrin korrekt”.
“Nuk e di pse. Nuk është vështirë të thuhet, por është Joao Fell-ix, jo Fee-lix”, ka thënë lojtari. /Telegrafi/
"I don't know why, it's not too hard to spell" 😂
Chelsea star Joao Felix reveals that we've all been pronouncing his name wrong 👀pic.twitter.com/iiVnmRsRtW
— The Sun – Chelsea (@SunChelsea) March 6, 2023