Këngëtarja shqiptare me famë botërore, Rita Ora, në fillim të muajit prill ka realizuar një vizitë tri-ditore në Kosovë.
Ajo së bashku me UNICEF kanë realizuar disa vizita në qendra rinore dhe familje nevojtare, për t’i ndihmuar fëmijët me kushte jo të mira ekonomike.
Njëra ndër këto vizita është realizuar në qytetin e Ferizajt.
Së fundmi, në rrjetet sociale janë publikuar disa fotografi të tjera nga vizita që këngëtarja ka realizuar në Kosovë.
Në disa prej imazheve, shihen disa nga fanset e vogla të Ritës, të cilat vrapojnë për të realizuar fotografi me këngëtaren e tyre shumë të pëlqyer.
Fotografitë tjera shfaqin momentet kur Ora është mirëpritur në ambientet e brendshme të shtëpisë në një nga familjet nevojtare, të cilët janë lumturuar me prezencën e saj.
Së bashku me UNICEF-in, ajo u ka bërë disa dhurata fëmijëve që i ka vizituar, duke i gëzuar ata me disa gjëra elementare. /Telegrafi/
