Kryetari i shtetit, Gjorge Ivanov, e mandatoi Nikolla Gruevskin që të formojë qeverinë e re të Maqedonisë. Ai ka 20 ditë afat për të ofruar qeverinë e re, por që vështirë se do t’ia arrij, përcjell Telegrafi Maqedoni.
Disa parti politike kanë shprehur tashmë qëndrimin e tyre se nuk do të bëjnë koalicion me Gruevskin. Aleanca për Shqiptarët dhe Lëvizja Besa janë partitë e para që kanë kundërshtuar një koalicion me OBRM-PDUKM-në.
Zulfi Adili nga Alenaca deklaroi për ”Fokus” se Aleanca për Shqiptarët nuk do të merr pjesë në qeveri, nëse mandatari është Nikolla Gruevski. edhe Zeqirja Ibrahimi nga Besa thotë për Radio Evropa e Lirë se në qeverinë e re nuk duhet të përfshihen njerëzit që janë pjesë e lëndëve të PSP-së.
PDSH-ja është habitur se si i është dhënë mandati Gruevskit, ndërkaq Musa Xhaferi nga BDI-ja ka deklaruar për ”Fokus” se kryesia e BDI-së do të vendosë për këtë çështje. Ai shton se të gjitha mundësitë janë të hapura. Edhe opozita e deritanishme maqedonase nuk ka dalë me qëndrim, por pritet që të mos jetë pjesë e qeverisë me Gruevskin./Telegrafi/