Instagrami vazhdon të mbetet rrjeti i dytë social më i përdorur në botë pas Facebookut.
Më fatlumët nga ky rrjet social janë personazhet e famshme, të cilët falë reklamave që i shesin tek ndjekësit e tyre të shumtë, arrijnë të fitojnë miliona dollarë.
Në prill të këtij viti, plot 100 milionë përdorues iu shtuan këtij rrjeti, shifër kjo e cila vazhdon të rritet.
Shumë personazhe të famshme numërojnë me miliona ndjekës në këtë rrjet social, por çuditërisht disa prej tyre nuk ndjekin askënd, siç të tjerët bëjnë me ta.
Kjo ndoshta nga “mendjemadhësia” apo edhe koha e tyre e pakët që kalojnë në rrjetet sociale, megjithatë numri “0” figuron në listën e personave që ata ndjekin.
Në vazhdim ju tregojmë disa prej yjeve që nuk preferojnë të ndjekin askënd në Instagram.
Beyonce
Këngëtarja Beyonce është një prej më të ndjekurave në të gjithë botën në Instagram, por ajo nuk bën të njëjtën gjë si ndjekësit e saj. Ajo nuk e ndjek asnjëri në këtë rrjet social.
Adele
Këngëtarja Adele nuk ka raporte shumë të mira me rrjetet sociale, ndonëse numëron miliona ndjekës. Si kundër, lista e personave që ajo ndjek është zero.
Eminem
Edhe reperi i famshëm Eminem futet në listën e atyre që nuk pëlqen të ndjek askënd në Instagram. Aktualisht, ai numëron 107 milionë ndjekës në rrjetet sociale.
Taylor Swift
Këngëtarja Talyor Swift ka pasur disa herë probleme me rrjetet sociale veçanërisht me Facebook, ku një kohë i ishte fshirë faqja. E mesa duket këngëtarja është mjaft e “pashoqërueshme” edhe në Instagram, pasi preferon të mos ndjek asnjëri.
Papa Frensis
Edhe Papa Frensis është nga ata persona që nuk ndjekë asnjë person në këtë rrjet sociale. Megjithëse Instagramin e tij e menaxhon dikush tjetër, në listën e personave që ai ndjek nuk gjendet asnjë llogari Instagrami.
Një ‘trend’ i tillë është i shprehur edhe te të famshmit shqiptarë.
Disa prej tyre që gjithashtu kanë ‘0’ në listën e personave që ndjekin në rrjetet sociale janë kryeministri i Shqipërisë, Edi Rama, producentja Vera Grabocka, prezantuesi Ardit Gjebrea, reperi Getinjo etj. /Telegrafi/
