Zyra e kryeministrit ka njoftuar se të dielën në Podujevë do të zbulohet shtatorja e veprimtarit Adem Demaçi.
Sipas njoftimit në ceremoni do të jetë edhe kryeministri Albin Kurti.
“Kryeministri i Republikës së Kosovës, Albin Kurti do të marrë pjesë në zbulimin e shtatores së veprimtarit Adem Demaçi në Sheshin e Qytetit në Podujevë, nesër në orën 13:00, në prag të 111-vjetorit të shpalljes së pavarësisë së Shqipërisë, Ditës së Flamurit”, thuhet në njoftim. /Telegrafi/
