Dafina Zeqiri feston ditëlindjen. Këngëtarja e popullarizuar ka mbushur 29 vjet dhe natyrisht se nuk kanë munguar befasitë nga më të afërmit e saj.
I dashuri dhe motra e saj i kanë organizuar një festë befasi për të shënuar ditëlindjen e Duffyt.
Këngëtarja e ka publikuar një video në Instagram, në të cilën shihet momenti i befasisë, ndërsa teksa i përqafon të gjithë, ajo nuk mund t’i mbajë lotët.
“Nuk mund të besoj se mashkulli im dhe motra ime Tringa Zeqiri, dhe shoqja më e mirë Nora Haxha, më befasuan për ditëlindjen e 29-të në New York në këtë mënyrë!”.
“Së bashku me miqtë e mi më të mirë dhe familjen që dolën sonte”, ka shkruar Dafina përshkrimin e videos duke i falënderuar të gjithë për befasinë.
Në profilin e saj në Instagram, këngëtarja i ka publikuar edhe disa fotografi nga fëmijëria e saj.
Dafina ka lindur më 14 prill të vitit 1989 në Varberg të Suedisë. Ajo është mjaft e popullarizuar te publiku shqiptar falë hiteve të shumta që ka sjellë ndër vite.
Në vitet e fundit, këngëtarja është vendosur në Shtetet e Bashkuara në përpjekje që të ndërtojë karrierë ndërkombëtare. /Telegrafi/
