Taylor Swift dhe Matty Healy – të cilët ndezën thashethemet për romancë në fillim të këtij muaji – u panë duke u puthur të enjten në Casa Cipriani në New York, ku “ata u ulën pranë njëri-tjetrit në një sallë pritjeje”.
Më tej burimi tha se asnjëri prej tyre nuk kishte porositur ndonjë ushqim ndërsa ishin “përqafuar dhe duke u puthur”, shtoi një burim i PageSix.
Sidoqoftë, ata nuk ishin plotësisht të vetëm ndërsa Jack Antonoff u ul me ta dhe sigurimi ishte rreth tyre.
Për daljen e tyre, këngëtarja e “Anti-Hero” kishte veshur një fustan jeshil dhe të verdhë me Mary Janes prej kadifeje.
Healy, nga ana tjetër, me sa duket kishte veshur një kostum në takimin e tyre.
Menjëherë pasi u pikasën nga dëshmitarët, thuhet se ata u larguan nga Cipriani “të kapur për duar” ndërsa ishin të mbuluar nga një çadër për të ruajtur privatësinë e tyre.
Më 3 maj, burime i thanë The Sun se dyshja ishin takuar për më pak se dy muaj, por tashmë ishin “çmendurisht të dashuruar”.
“Janë ditë super të hershme, por ndihen mirë. Ata u takuan për herë të parë, shumë shkurt, pothuajse 10 vjet më parë, por koha thjesht nuk funksionoi”, tha një burim.
Ndryshe nga marrëdhënia e saj e fundit, Swift ka qenë më e hapur me shfaqjen e Healyt pasi këngëtari ndoqi disa nga koncertet e saj të turneut “Eras”.
Gjatë koncertit të saj në Nashville më 6 maj, artisti britanike u pa në zonën VIP ndërsa Swift performonte. Më pas ata janë fotografuar së bashku duke u larguar nga koncerti.
Të dy më pas morën rrugën për në banesën e Swift në Nashville.
Healy dhe Swift ishin lidhur shkurtimisht në vitin 2014, por ata morën rrugët e tyre të ndara menjëherë pas kësaj.
Megjithatë, ata bashkëpunuan për albumin e saj të fundit, “Midnights”. /Telegrafi/
