Gjykuar sipas Instagramit dhe Pinterestit, hit absolut në botën e manikyrit gjatë këtij sezoni gjithsesi është pasqyra apo manikyri metalik, i cili na mrekullon dhe të cilin së shpejti do ta provojmë.
Edhe nëse në YouTube ekzistojnë udhëzime se si ta bëni manikyrin e këtillë në shtëpi, pa xhel dhe llampë, kozmetologët megjithatë rregullojnë thonjtë me pluhur metalik duke kombinuar teknikën me xhel, e cila jep efekt të pasqyrës, që e shihni në rrjetet shoqërore, ku vajzat lavdërohen me artet e tyre të vogla në thonj, transmeton Telegrafi.
Ju duhet vetëm të zgjidhni cila më së shumti ju pëlqen, ndërkaq variacionet vërtet janë të ndryshme: nga e arta dhe argjendta tepër e bukur, që janë ideale për party-sezonin e ardhshëm deri te ato me lara.
Derisa grimerët nuk hezitojnë të luajnë me vezullime, tone intensive prej bronzi dhe ngjyrave metalike; ky trend ofron një shumëllojshmëri të përdorimit alternativ dhe korrespondon me atë të përditshmen.
Gjithnjë e më shpesh, mënyrën e këtillë të grimit e shohim edhe në pistat e modës, por edhe te personat e njohur, madje zakonisht tek ata që parakalojnë në tepihun e kuq kur dëshirojnë të duken glamurozë.
Grimin e këtillë jua rekomandojmë për dalje në ndonjë klub. Imagjinoni vetëm se si do të shndrisnin sytë tuaj nën shkëlqimin e dritave të diskoklubit.
