Pas 15 ndeshjeve të mbrëmshme, ka përfunduar pjesa e rregullt e sezonit në elitën e basketbollit amerikan NBA dhe janë të njohura të gjitha çiftet e ‘Play-In’ dhe pjesëmarrësit në ‘Play-Off’.
Pra, skuadra më e mirë pas pjesës së rregullt të sezonit është Boston Celtics me raport 64:18 dhe në raundin e parë të ‘Play-Off’-it pret kundërshtarin nga ‘Play-in’ në të cilin takohen Philadelphia 76ers – Miami dhe Chicago – Atlanta.
Fituesi i duelit të parë do të luajë kundër New York Knicks në ‘Play-Off’, ndërsa humbësi do të përballet me ekipin më të mirë nga dueli Chicago-Atlanta dhe fituesi i asaj ndeshje do të luajë kundër Bostonit.
Përveç çifteve ‘Play-In’, në Lindje njihen edhe dy çifte ‘Play-Off’. Milwaukee Bucks do të luajë me Indiana Pacers në çerekfinale të NBA, ndërsa Cleveland Cavaliers do të ketë avantazhin e fushës në shtëpi ndaj Orlando Magic.
THE BRACKET IS SET 🍿 pic.twitter.com/guxcNaGEFf
— NBA (@NBA) April 14, 2024
Në perëndim, ekipi më i mirë është Oklahoma City Thunder, e cila do të luajë në ‘Play-Off’ kundër kundërshtarëve nga ‘Play-In’, ku takohen New Orleans Pelicans – LA Lakers dhe Sacramento Kings – Golden State Warriors.
Fituesi i duelit Pelicans dhe Lakers do të luajë kundër kampionëve aktualë të NBA Denver Nuggets në ‘Play-Off’, ndërsa humbësi do të përballet me skuadrën më të mirë nga ndeshja Sacramento – Golden State. Fituesi i asaj ndeshje do të luajë me Oklahoma në ‘Play-Off’.
Tashmë dihet se Minesota – Phoenix do të luajnë në raundin e parë të ‘Play-Off’ si dhe Los Angeles Clippers – Dallas Mavericks. /Telegrafi/