Grupet punuese të Lëvizjes Vetëvendosje dhe Lidhjes Demokratike e Kosovës, sot i vazhdojnë takimet, ku do të diskutojnë politikat sociale dhe projektet infrastrukturore.
Takimi do të zhvillohet në seli të Lëvizjes Vetëvendosje, duke filluar nga ora 15:00.
Mësohet se grupet punuese pothuajse janë në përfundim të punës së tyre dhe pastaj i mbetet kryetarit të VV-së, Albin Kurti dhe atij të LDK-së, Isa Mustafa të pajtohen rreth propozimeve të këtyre grupeve, si dhe t’i ndajnë përgjegjësitë qeverisëse.
Përndryshe, pas takimit të grupeve punuesve në mes LVV-së dhe LDK-së, i cili është mbajtur të hënën, Glauk Konjufca paralajmëroi se brenda 14 ditëve do të përfundojnë negociatat për formimin e qeverisë së ardhshme. /Telegrafi/