Zyrat e klubit të Barcelonës ishin nikoqir të një takimi mes Jorge Messit dhe Josep Maria Bartomeut të mërkurën pasdite, ku diskutimet vazhduan për dy orë para se Blaugrana treguan se nuk do të negociojë për shitjen e Lionel Messit.
Në anën tjetër pozicioni i lojtarit mbetet i njëjtë; ai dëshiron të largohet nga klubi dhe loja vazhdon.
Takimi i shumë pritur u zhvillua në të njëjtën ditë kur babai dhe përfaqësuesi i Messi arriti nga Rosario, ndërsa në takim morën pjesë edhe Javier Bordas, drejtor i Barcelonës, dhe Rodrigo Messi, vëllai dhe këshilltari i lojtarit.
Palët janë ende larg çfarëdo marrëveshjeje, pavarësisht bisedimeve të gjata që u mbajtën.
Bartomeu këmbëngul se klauzola e lirimit në kontratë skadoi më 10 qershor, që do të thotë se Messi është nën kontratë dhe duhet të kthehet në stërvitje, gjë të cilën ai ende nuk do ta bëjë.
Presidenti i klubit gjithashtu përsëriti se ata nuk do të negocionin shitjen e Messit në asnjë rrethanë pasi ai formon një pjesë kryesore të projektit të tyre sportiv dhe është nën kontratë.
Nga ana e Messit, qëndrojnë me faksi e dërguar, që e bën të qartë dëshirën e tij për t’u larguar, duke përfituar edhe nga klauzola, që sipas tyre e lejon të largohet falas. /Telegrafi/