Eksperti i meteorologjisë dhe profesori universitar, Sylë Tahirsylaj në një prononcim për Telegrafin ka thënë se edhe në ditët në vijim do të ketë reshje bore.
Tahirsylaj bëri të ditur se sot gjatë ditës do të ketë reshje bore, pastaj do të ketë ndërprerje, por që do të vazhdojnë nga dita e enjte dhe premte sërish.
“Të martën dhe të premten do të ketë reshje bore me intensitet të ndryshëm. Në vendet e ulëta lartësia e borës mund të shkoj deri 10 cm ndërsa në vendet kodrinore malore deri 20 cm”, tha ndër të tjera Tahirsylaj.
Eksperti i meteorologjisë tha se temperatura minimale do të jetë -3 gradë Celsius, ndërsa maksimalja +5.
“Minimalja do të jetë deri në -3 ose -4 gradë celsius, ndërsa maksimalja +5 gradë celsius. Do ketë reshje, të cilat do të kenë efekt në mbjelljet vjeshtore”, tha ndër të tjera Tahirsylaj. /Telegrafi/