Koordinatori Nacional për Reforma Shtetërore në Qeverinë Haradinaj, Besnik Tahiri, ka reaguar ndaj deklaratës së fundit të zëdhënëses së Komisionit Evropian, Maja Kocijançiq, e cila ka përsëritur edhe një herë kërkesën e Bashkimit Evropian (BE) që autoritetet kosovare të pezullojnë menjëherë taksën e vënë ndaj mallrave nga Serbia.
Tahiri, përmes një postimi në Facebook, ka thënë se “Kocijançiq më shumë ka funksionuar si zëdhënëse e Zyrës për Kosovë së Marko Gjuriqit se sa të vendeve anëtare të BE.
“Gjatë tërë mandatit të saj Maja Kocijançiç më shumë ka funksionuar si zëdhënëse e Zyrës për Kosovë së Marko Gjuriçit se sa të vendeve anëtare të BE. Qëndrimet e saj që sot u paraqitën në media janë vetëm vazhdimësi e qëndrimeve të mëparshme”, ka thënë Tahiri.
Më tej Tahiri ka thënë se “kushtëzimi i dialogut nga ana e saj nënkupton bllokim permanent të dialogut”.
“Kosova është për dialog të pakushtëzuar. Nëse doni, ne kemi plotë”, ka shkruar Tahiri.
Reagimi i Tahirit vjen pas deklaratës së Kocijançiq, e cila ka përsëritur edhe një herë kërkesën e Bashkimit Evropian (BE) që autoritetet kosovare të pezullojnë menjëherë taksën e vënë ndaj mallrave nga Serbia, duke tërhequr vëmendjen se kjo tarifë pengon Kosovën në rrugën e saj drejt integrimit në BE. /Telegrafi/
