Llapi ka fituar 4-1 ndaj Ballkanit në kuadër të javës së 14-të në BKT Superligën e Kosovës.
Skuadra nga Podujeva e zuri në befasi ish-liderin që mbante kreun deri në këtë xhiro, duke u shënuar katër gola.
Pas ndeshjes trajneri Tahir Batatina ka thënë se është i kënaqur me paraqitjen që bënë, derisa Ballkanin e ka quajtur petull të hollë për Llapin.
“Në pjesën e parë luajtëm jo mirë, nuk e luajtëm atë lojë që e dua si trajner dhe pjesën e dytë u thashë lojtarëve që duhet ta ndryshojmë komplet strategjinë e lojës nëse duam t’i arkëtojmë tri pikë”, ka thënë strategu i llapjanëve.
“Edhe me Prishtinën e kanë përcaktua ndeshjen zëvendësimet, trajneri nuk është vetëm me mbajt stërvitje, trajneri tregohet edhe në lojë”.
“Kur kam arrit me e mposhtë Prishtinën në minutat shtesë, Ballkani mendoj që është petull shumë e hollë për Llapin, dhe sot vërtetuam që mund të luftojmë për kreun e tabelës, kampioni është i gjatë, ne do shkojmë nga ndeshja në ndeshje”, përfundoi Batatina pas ndeshjes.
Pas kësaj fitore, Llapi ngjitet në pozitën e katërt me 21 pikë, ndërsa Ballkani renditet i treti me 24 pikë. /Telegrafi/