Katër garues të sportit të taekwondosë do të përfaqësojnë vendin tonë në kampionatin botëror të taekwondosë, që mbahet prej nesër (e mërkurë) deri më 18 maj në Manchester të Anglisë.
Përfaqësuesja e Kosovës në Taekwondo ka shanse të mëdha që të fitojë medalje në Kampionatin Botëror që do të mbahet në Manchester të Anglisë në këtë muaj.
Qëndrim Sejfijaj, kategoria deri në 68 kilogramë, Butrint Ejupi, kategoria deri në 74 kilogramë, Natyra Kadriu (-46 kg) dhe Don Berisha (+87 kg), do të synojnë të lënë gjurmë në botëror, bashkë me trajnerin e kombëtares, Arsim Agushi.
Sekretari i përgjithshëm i Federatës së Taekwondosë së Kosovës, Enis Qafëlleshi, thekson se në Manchester udhëtojnë për të fituar medalje, pasi ka kohë që janë duke u pëgatitur për këtë garë.
▶️Taekwondistët synojnë medalje🏅 në Kampionatin Botëror #Manchester2019
👉 4 garues përfaqësojnë Kosovën🇽🇰
Linku: https://t.co/firPOKVOhg#worldtaekwondo #championships #manchester #uk #taekwondo pic.twitter.com/N96NLHOsG4— NOC KOSOVO 🥇🥇🥇 (@NOCKOSOVO) May 14, 2019
“Kjo është hera e tretë që taekwondistët marrin pjesë në botëror, pas pjesëmarrjes në Rusi dhe Kore të Jugut. Pretendimet nga Manchesteri i kemi për medalje”, shprehet me optimizëm Qafëlleshi për uebfaqen zyrtare të KOK-ut, www.noc-kosovo.org.
Komiteti Olimpik i Kosovës iu uron fat dhe suksese garuesve tanë. /Telegrafi/