Dominik Szoboszlai ka shënuar një gol mahnitës në fitoren Liverpoolit përball Leicester City në Carabao Cup të mërkurën mbrëma.
Ekipi i udhëhequr nga Jurgen Klopp ka pasur një fillim premtues në sezonin 23/24 pasi aktualisht janë të pamposhtur në të gjitha garat.
Të mërkurën mbrëma, Liverpool u përball me skuadrën nga Championship, Leicester City, të cilën e mposhti me rezultat 3-1 në Anfield.
Megjithatë, gjithë vëmendjen e mbrëmjes e mërkurë e ka vjedhur goli i dytë i Reds i shënuar nga Szoboszlai.
Ylli hungarez ishte i papërmbajtshëm në minutën e 70-të duke shënuar një supergol nga distanca për epërsinë 2-1.
OMG SZOBOSZLAI YOU BEAUTY!!!!! ⚽️⚽️⚽️
What a banger! Another one on his name. pic.twitter.com/vFYPsvYbTX
— LFC Transfer Room (@LFCTransferRoom) September 27, 2023
Ky gol i Szoboszlai ka pushtuar rrjetet sociale, të cilët e komentojnë pozitivisht dhe lavdërojnë yllin e ri të Reds.
Szoboszlai tashmë ka fituar zemrat e shumë tifozëve të Liverpoolit që prej transferimit të tij prej mbi 60 milionë eurosh nga RB Leipzig në verë. /Telegrafi/