Deputeti i Aleancës për Shqiptarët, Syrija Rashidi, lëshoi mbledhjen që mbahet te kryetari i kuvendit, Talat Xhaferi.
Ai thotë se nuk janë qëllimet e takimit dhe trupit rreth asaj se kush me cilin duhet të pajtohet. “Merr përshtypje se ky takim është për poenë politik dhe një derë e vogël për t’u shtyrë amnistia për 27 prillin”, tha Rashidi, përcjell Telegrafi Maqedoni.
“Ne jemi për pajtim bazuar në qëllimet strategjike për shtetin, për integrimin në BE dhe NATO dhe mbylljen e çështjeve të hapura të brendshme. Tash jemi në procedurë të amendamenteve kushtetuese dhe vetëm përmes kësaj shohim kuptimin e vërtetë për trupin për pajtim rreth qëllimeve strategjike të shtetit”, shtoi Rashidi.
Rashidi tha se do të votonte në marrjen e mandatit të ish-kryeministrit dhe deputetit të tanishëm, Nikolla Gruevski.
Formimi i trupit për pajtim ishte një nga kushtet e tetë deputetëve opozitës për të votuar ndryshimet kushtetuese. Pritjet e tyre ishin se të gjitha grupet parlamentare do të përfshihen në punën e komisioni ndërpartiak, që do të fokusohet në ngjarjet e 27 prillit duke mos hequr mundësinë që të vazhdojë mandati i të njëjtit trup punues të funksionojë në të ardhmen për çështje të tjera politike./Telegrafi/