Bersant Celina nuk do të rikthehet te Përfaqësuesja e Kosovës.
Ylli nga Kosova ka pësuar lëndim në ndeshjen e së shtunës dhe nuk ka udhëtuar drejt vendlindjes.
Ka qenë klubi uellsian Swansea City që i ka dërguar raportin mjekësor FFK-së për të konfirmuar lëndimin e Celinës.
Këtë gjë e ka konfirmuar trajneri i Përfaqësueses së Kosovës, Bernard Challandes në Konferencën për shtyp.
“Celina është lënduar në ndeshjen e së shtunës dhe nuk do të vijë në grumbullim”.
“Kemi marrë raportin mjekësor nga klubi dhe na kanë njoftuar se nuk mund të luaj. Për momentin nuk e kemi menduar se me kënd do ta zëvendësojmë”, tha Challandes.
Celina muajin e kaluar ishte lënë jashtë grumbullimit nga trajneri Challandes, por që arsyejet nuk u zbuluan zyrtarisht.
Prizrenasi ka pasur paraqitje mjaftë të mira me Swansean, në 14 ndeshje ka shënuar dy gola dhe ka dhuruar një asistim. /Telegrafi/