Suso e ka lëvduar skuadrën e Milanit për, siç ka thënë, pikën e merituar në barazimin prej 1-1 kundër Lazio.
Rossonerët ishin nën presion të vazhdueshëm gjatë gjithë kohës, mirëpo goli i spanjollit ua siguroi një pikë.
“E nisëm keq. Ata zhvilluan një lojë të mirë, asnjëra skuadër nuk donte të humbë”.
“Ishte një ndeshje e çuditshme, Lazio shënoi golin e vet në një periudhë të rëndësishme, pak para pushimit”.
“Pas pauzës, dhamë gjithçka dhe u krijuam hapësirë, prandaj ata i patën disa raste. Ishte një pikë e merituar”.
“Gerard Deulofeu dhe Lucas Ocampos? Ata kanë lëvizur mirë nëpër hapësira, bënë një lojë të mrekullueshme. Do të bëjmë gjithçka që të kualifikohemi në Evropë, edhe nëse duhet të përmirësohemi”, ka deklaruar Suso për Premium Sport.
Milani është i shtati në tabelë me dhjetë pikë prapa vendit që çon në Ligën e Kampionëve, i cili mbahet nga Napoli. /Telegrafi/