Këngëtari i njohur Shpat Kasapi shumë shpejt pritet të publikojë projektin e tij më të ri muzikor.
Përveçse në muzikë, ai ka treguar se këtë vit do të paraqitet edhe si aktor në filmin “Drejt Fundit”, i cili do të publikohet brenda pak muajsh.
Ndërkohë ai është shumë aktiv edhe në rrjetet sociale, përmes së cilave ndan me fansat momente nga jeta e përditshme.
Së fundmi, ai ka publikuar një status mjaft interesant në llogarinë e tij zyrtare në ‘Facebook’, në të cilën shkruan se shumë shpejt do të na prezantojë me personin e tij të zemrës.
“Të dashur miq kam kënaqësinë që përmes këtij statusi t’ju informoj se për pak ditë do t’ju njftoj me personin e zemrëssime”, shkruan ai.
Përndryshe, këtë status ai e ka publikuar edhe më vonë në Instagram, teksa nuk ka bërë të ditur se për cilin person të zemrës bëhet fjalë, mbase njëmend Shpati ka në plan t’i prezantojë fansat me të dashurën e tij?! /Telegrafi/
