Ipko Superliga e Kosovës ka në orar edhe dy ndeshjet për të zhvilluar gjatë ditës së sotme (e diel).
E diela sjell dy ndeshjet e fundit të javës së 24-të në Ipko Superligën e Kosovës.
Ndeshja e parë dhe më interesante është ajo e Dritës në udhëtim te Trepça ’89, takim që zhvillohet në stadiumin “Riza Lushta”.
“Intelektualët” kanë rifilluar sezonin me fitore në shtëpi ndaj Flamurtarit dhe synojnë fitoren e radhës për të rikthyer pozitën e parë të marr nga Prishtina.
Takimi tjetër është ai në mes të Ferizajt dhe Gjilanit, i cili zhvillohet në stadiumin me bari sintetik në Ferizaj.
“Ujqit” do të tentojnë të këndellen pas humbjes së thellë 8-1 nga Prishtina, ndërsa Gjilani synon fitore për të mbetur në garë për titull.
Të dy ndeshjet pritet të fillojnë nga ora 17:00. /Telegrafi/