Suns mposhten nga Pistons, Lakers triumfojnë në fushën e Sacramento Kings

Romak Zeqiri

3 weeks ago

Një natë spektakolare ka qenë në elitën e basketbollit amerikan NBA, ku nuk munguan ndeshjet fantastike, por edhe befasitë.

Phoenix Suns ka pësuar humbje befasuese nga Detroit Pistons me tetë pikë diferencë 133:125.

Në skuadrën e Phoenix, Kevin Durant kishte paraqitje fantastike me 43 pikë, por që nuk i mjaftoi për fitore ndaj Detroitit.

Më efikasi te skuadra mysafire ishte Cade Cunningham me 28 pikë dhe 13 asistime.

Basketbollistët e Dallas Mavericks treguan forcë të madhe, duke mposhtur pa problem Los Angeles Clippers (113:97), edhe pse performuan pa lojtarin e tyre më të mirë.

NBA STANDINGS UPDATE ‼️

▪️ LAL wins 3rd straight, climbs to 5th in West
▪️ CLE wins 4th straight, 1st team to 25 wins
▪️ GSW rises to 7th in West
▪️ SAS moves into 9th in West
▪️ DET climbs to 10th in East

Download the NBA App for more: https://t.co/pBKIAWOrdI pic.twitter.com/KxYCubcW3w

— NBA (@NBA) December 22, 2024

Luka Donçic e ka munguar edhe këtë ndeshje, e dyta radhazi për skuadrën e tij të Dallasit, për shkak të një dëmtimi të pakëndshëm në thembër që pësoi në fillim të javës. Ende nuk dihet se kur do të dalë në fushë slloveni i madh.

Ndër surprizat më të mëdha spikat fitorja e Golden State Warriors ndaj Minesotës me rezultatin 113:103.

Befasi ishte edhe fitorja e Los Angeles Lakers me 103:99 ndaj Sacramentos pas një drame të vërtetë në fund, siç ishte edhe fitorja e Uta jashtë fushe ndaj Brooklyn.

Rezultatet:

Sacramento – LA Lakers 99:103