Festivali i parë ndërkombëtar i muzikës, Sunny Hill ka njoftuar se ka kërkesë të jashtëzakonshme për bileta nga audiencat që vijnë nga gjithë rajoni.
Dhe tani, një ditë para festivalit, organizatorët kanë deklaruar se “në shitje kanë mbetur vetëm edhe 2,000 bileta në dispozicion”.
“Jemi shumë të kënaqur me interesimin, i cili po vjen nga çdo vend i rajonit. Do të jetë fundjava më e mirë e vitit në Prishtinë. Në këtë moment, jemi në më pak se 2000 bileta, sasia tjetër është shitur”, ka thënë Alban Kastrati, nga Sunny Hill Festival.
Tashmë artistët kanë arritur në vendin, ku gjatë ditë së nesërme do të nis në parkun e Gërmisë në Prishtinë.
Theksojmë se yjet kryesore pos atyre vendore, do të jenë Dua Lipa, Action Bronson si dhe Martin Garrix.
Për më shumë informacione, vizitoni: www.sunnyhillfestival.com. /Telegrafi/