Sulmuesi dyshohet se ka shtënë nga kulmi i një ndërtese – raportohet për një të vrarë dhe disa të plagosur në Illinois

Një person raportohet se ka humbur jetën, e disa tjerë janë plagosur në paradën tradicionale të mbajtur në parkun Highland në Illinois, ku sulmuesi i panjohur me sa duket ka shtënë nga kulmi i një ndërtese duke qëlluar kalimtarët e rastit, raportojnë mediat amerikane.

Sulmi ndodhi 10 minuta pasi filloi parada, ku edhe në video të ndryshme amatore mund të dëgjohen të shtënat dhe qytetarët e shumtë që vrapojnë në të gjitha anët për t’i shpëtuar më të keqes, transmeton Telegrafi.

Gazetari i Chicago Sunday Times, ka publikuar videon e disa personave të përgjakur, kurse sipas dëshmitarëve okularë – janë dëgjuar shumë të shtëna – e policia ka këshilluar të gjithë të shmangin këtë zonë për shkaqe sigurie.

Lexo po ashtu Të shtëna armësh në paradën e 4 korrikut në Illinois

Derisa po iknin për t’i shpëtuar plumbave, qytetarët lanë pas vetes, karrige, batanije si dhe karroca të fëmijë.

Zyrtarët e Highland parkut u kanë kërkuar banorëve të asaj zone që ta shmangun derisa policia të kryej punën e saj.

Deri më tani nuk raportohet se sulmuesi të jetë arrestuar. /Telegrafi/