Dy hajna që tentuan të kryejnë plaçkitje në një argjendari, u larguan me shpejtësi për t’i shpëtuar më të keqes kur një burrë u shfaq nga askund dhe i doli në ndihmë punonjësit, të cilin e grushtuan dhe tentuan t’ia vjedhin produktet.
Të dyshuarit arritën të ikin nga lokali kur personi i paidentifikuar i sulmoi me karrige, por nuk shkuan larg pasi përfunduan në prangat e policisë, transmeton Telegrafi.
Kamerat e sigurisë kanë kapur momentin kur dy burra futen në argjendari, dhe njëri prej tyre futet në hapësirën ku qëndronte punonjësi të cilin e grushton dhe e rrëzon në tokë.
Aty menjëherë fillon të mbledh stolitë, por në një moment u shfaq burri me karrige në dorë dhe iu vërsul hajnave, që kur e kuptuan se nuk kanë shpëtim u larguan. /Telegrafi/
