Policia e Kosovës ka njoftuar se ka arrestuar një person në Gjilan, pasi që i njëjti ka sulmuar fizikisht babain e tij, duke i shkaktuar lëndime trupore.
Në njoftimin e bërë nga Policia e Kosovës, thuhet se rasti ka ndodhur ditën e diele rreth orës 10:00, transmeton Telegrafi.
“Është arrestuar i dyshuari mashkull K/Shqiptar pasi qe i njëjti pas një mosmarrëveshje me prindërit e tij, K/ Shqiptar të njëjtit i sulmon fizikisht dhe babait i shkakton lëndime trupore për çka posedon raport mjekësor. Trajtim mjekësor ka marr edhe i dyshuari pasi e kishte goditë me dorë xhamin e derës së shtëpisë. Prokurori të dyshuarit i ka caktuar masën e ndalimit për 48 orë dhe i njëjti është dërguar në spitalin e Gjilanit, repartin e psikiatrisë për tretman mjekësor dhe mbetet në mbikëqyrje të policisë”, thuhet në njoftim./Telegrafi