Një person është arrestuar, pasi nga një mosmarrëveshje të mëhershme, ishte përfshirë në rrahje së bashku me katër persona tjerë, ku si pasojë njëri prej të dyshuarve nga një mjet i mprehtë (thikë) kishte marrë lëndime trupore.
Sipas raportit policor, ngjarja ka ndodhur të hënën rreth orës 13:00 në rrugën “Remzi Ademaj”, në Prizren.
Siç thuhet në raport, nga i dyshuari është konfiskuar një thikë, si dhe substancë e dyshuar narkotike marihuanë me peshë 5.29 gramë dhe 0.214 gram kokainë.
Ndërkaq, pas intervistimit me vendim të prokurorit, i dyshuari është dërguar në mbajtje. /Telegrafi/