Një video amatore e filmuar me telefon të mençur, shfaq një ari që rrihet brutalisht nga një grup burrash që vazhdimisht e godasin me shkopinj, pasi kjo kafshë e egër tentoi të kafshoi një burrë që u mundua të bëjë selfie me të.
Viktima e paidentifikuar është shpëtuar nga banorët e zonës së Orissa në Indi, të cilët i dolën në mbrojtje në momentin kur ariu iu vërsul dhe deshi ta kafshoj, transmeton Telegrafi.
Videoja është filmuar nga një kalimtar rasti, ku shihet ariu duke sulmuar burrin i cili mezi i shpëton nofullës së fuqishme të kësaj kafshe.
Por, për fat të mirë ishin banorët e zonës që reaguan më kohë duke iu vërsulur ariut, të cilin e godasin pa ndërprerë me shkopinj dhe madje në një moment e godasin me guri të madh në kokë, me ç’rast nuk i mbijeton plagëve dhe ngordh në vend.
Një rast i ngjashëm ka ndodhur po në Indi gjatë javës së kaluar, kur një taksist u mundua të bëjë selfie me ariun, por ky veprim i kushtoi me jetë. /Telegrafi/
