Oficerët e armatosur të policisë janë dërguar në vendin e një “sulmi serioz” në një fshat në Uellsin jugor, i cili ka detyruar shkollat aty pranë të mbyllen.
Sipas mediave të huaja, përcjell Telegrafi, policia tha se shërbimet e urgjencës u thirrën në Moy Road në Aberfan, Merthyr Tydfil, pak para orës 09:10.
Njerëzve u është kërkuar që të shmangin zonën ndërsa policia e armatosur “të merret në mënyrë efektive me këtë incident”, shtoi Policia e Uellsit të Jugut.
Ndërkohë Shërbimi i Ambulancës së Uellsit theksoi se mjekët ofruan kujdes kritik në vendngjarje përpara se një person të dërgohej në Spitalin Universitar të Uellsit në Cardiff.
Ndërsa autoritetet lokale kanë bërë të ditur se një numër “shkollash dhe mjedisesh të kujdesit për fëmijët janë në një bllokim paraprak, në përgjigje të një incidenti të vazhdueshëm”.
Politikanët Dawn Bowden dhe Gerald Jones thanë se kishin folur me policinë për “incidentin e rëndë”, por po prisnin më shumë informacion. /Telegrafi/