Suedia iu është bashkuar disa vendeve evropiane në zbatimin e masave të reja parandaluese ndaj COVID-10, derisa vazhdojnë rritjet e rasteve në të gjithë kontinentin.
Masat e reja kanë hyrë në fuqi të martën, përderisa ky vend skandinav nuk kishte zbatuar bllokim mbarëkombëtar gjatë stinës së pranverës, sikurse edhe disa vende të tjera në Evropë.
Austria dhe Greqia gjithashtu implementuar masa të reja gjatë ditës së djeshme, Gjermania vendosi një bllokim të pjesshëm të hënën; ndërkohë Franca, Italia, Kosova dhe Kroacia gjithashtu vendosën rregulla më të rrepta.
Përveç këtyre vendeve, edhe Anglia do të prezantojë një bllokim të ri nga e enjtja, megjithëse shkollat dhe universitetet do të qëndrojnë të hapura.
“Ne po shkojmë në drejtim të gabuar, situata është shumë serioze”, tha kryeministri suedez Stefan Lofven.
Masat e reja të cilat fillojnë të martën përfshijnë kufizimet në restorantet si dhe në kafenetë, derisa nuk do të lejohet numri i personave në çdo tryezë në më shumë se tetë persona.
Vendi gjithashtu paralajmëroi për kufizime lokale në tre qarqe të tjera, të cilat i përfshijnë qytetet më të mëdha të Suedisë.