Luis Suarez thuhet se nuk e ka pritur aspak transferimin e ri të Barcelonës, Antoine Griezmann.
Griezmann kompletoi transferimin e tij nga Atletico Madridi para disa javës për një shifër të raportuar prej 120 milionë eurosh.
Transferimi i tij në Camp Nou u prit me shumë bujë nga tifozët e klubit katalunas, por jo edhe nga njëri prej lojtarëve kryesor të skuadrës.
Bëhet fjalë për sulmuesin uruguaian, Suarez, i cili nuk është tifoz i yllit francez.
Sipas mediumit Cuatro, Suarez tashmë është i irrituar me nënshkrimin e ri të Barcelonës, Griezmann.
😀 @ivanrakitic, @AntoGriezmann & @JordiAlba 👀
🔵🔴 #ForçaBarça pic.twitter.com/wvC7VrU3V7— FC Barcelona (@FCBarcelona) July 31, 2019
Suarez thuhet se as nuk e ka shikuar dhe as nuk ka folur për asnjë rast me ish- yllin e Atletico Madridit në seancën stërvitore të së mërkurës, e cila ishte e para së bashku për dyshen sulmuese.
Uruguaiani është parë gjatë gjithë kohës duke stërvitur përkrah Gerard Pique dhe Jordi Alba, ndërsa Griezmanni me bashkëkombësit e tij Ousmane Dembele dhe Samuel Umtiti.
Kjo mund të shpjegohet nga pakënaqësia e fshehur mes dyshes gjatë Kupës së Botës së vitit të kaluar, kur Suarez akuzoi Griezmannin, i cili tha se ndihet ‘gjysmë-uruguaian’ përpara çerekfinales midis Uruguait dhe Francës.
“Antoine mund të thotë se ndjehet gjysmë uruguaian, por ai është francez. Ai nuk e di ndjenjën se çfarë është të jesh uruguaian”, kishte thënë Suarez në atë kohë.
Sidoqoftë, gjatë prezantimit të Antoine në Camp Nou, francezi tha që Suarez ishte i pari që e uroi për ardhjen në Barcelona, ndërsa me kalimin e kohës mund të ketë afrim mes dyshes së sulmit. /Telegrafi/
Suarez z jednej strony i Griezmann z drugiej! Nie rozmawiali i nie patrzyli na siebie podczas pierwszego treningu. pic.twitter.com/h5FZ25scD7
— Sulik (@SulikKrzysztof) August 1, 2019