Luis Suarez u kthye në tokën angleze, këtë herë me Barcelonën ndaj Chelseat në Stamford Bridge.
Takimi përfundoi me rezultat 1-1, ndërsa uruguaiani nga kjo ndeshje mori si një kujtim një karton të verdhë.
E gjitha kjo ndodhi pas golit të Lionel Messit në minutën e 75-të dhe në momentin që ndeshja ishte duke u luajtur të gjithë u habitën pse Suarez u ndëshkua.
Ish-ylli i Liverpoolit kishte vetëm një gjuajte në portë dhe një rast që vazhdon të komentohet. Ai u rrëzua në zonë dhe kërkoi penallti, por nuk gjyqtari nuk e dha.
I nervozuar nga kjo, Suarez priste padurim momentin që skuadra e tij të shënonte dhe në momentin që kjo ndodhi, ai festoi duke ia bërë gjyqtarit kryesor me gisht.
¡ATENTO A ESTO! LUIS SUÁREZ dedicó el gol del MESSI al ÁRBITRO y al ASISTENTE. #JUGONES pic.twitter.com/zW00GVkwan
— El Chiringuito TV (@elchiringuitotv) February 21, 2018
Dhe normalisht që e gjitha kjo nuk kaloi pa u vërejtur dhe në momentin që përfundoi festa e golit ai u ndëshkua nga gjyqtari kryesor.
Ky ishte kartoni i parë sezonal i Suarezit në garën më të madhe për klube. /Telegrafi/
